| Библиографическое описание документа: |
Янка Купала. Да 135-годдзя са дня нараджэння
: бібліяграфічны паказальнік [Электронны рэсурс] / Гродзенскi дзяржаўны ўнiверсітэт iмя Янкі Купалы ; рэд. І. Т. Яўгенідзэ ; склад.: М. У. Грынько, Л. М. Алясюк, І. І. Селюжыцкая. – Гродна : ГрДУ імя Янкі Купалы, 2018, 1экз. |
| |
7 ліпеня 2017 года споўнілася 135 гадоў са дня нараджэння народнага паэта Беларусі, драматурга, грамадскага дзеяча, класіка беларускай літаратуры, аднаго з заснавальнікаў сучаснай беларускай літаратуры Янкі Купалы, якому ў 1925 годзе было прысвоена званне Народнага паэта БССР. З гэтай нагоды навуковая бібліятэка ГрДУ імя Я.Купалы прадстаўляе вам дадзены бібліяграфічны паказальнік.
У склад паказальніка ўваходзяць дакументы, якія знаходзяцца ў фондах навуковай бібліятэкі. Паказальнік складаецца з 4 раздзелаў: Кнігі пра жыццё і творчасць Янкі Купалы (з 1960 г.), Артыкулы пра жыццё і творчасць Янкі Купалы (з 1996 г.), Купалаўцы пра Купалу (з 1996 г.), Паказальнікі пра Янку Купалу з фондаў навуковай бібліятэкі (з 1955 г.). Матэрыял у раздзелах размешчаны ў алфавітным парадку аўтараў і назваў.
Арыентавацца ў бібліяграфічным матэрыяле дапамагаюць два паказальнікі: імянны алфавітны паказальнік аўтараў кніг і назваў, і прадметны паказальнік.
Бібліяграфічны паказальнік задуманы як дапаможнік для выкладчыкаў, студэнтаў і ўсіх тых, хто цікавіцца творчасцю Янкі Купалы, а таксама як сродак папулярызацыі пісьменніка і яго творчасці.
Знакавым з'яўляецца тое, што дадзены паказальнік выйшаў у свет у юбілейны год для нашай Alma mater: 40 гадоў таму, у 1978 годзе, на базе педагагічнага інстытута быў створаны Гродзенскі дзяржаўны ўніверсітэт імя Янкі Купалы. Таму бібліграфічны паказальнік "Янка Купала. Да 135-годдзя са дня нараджэння" - падарунак нашаму Універсітэту. |
Главная » 
